رسالتي ماحد عرف محتواها...
جف القلم والدمع عالخد يجري
والعين من كثر البكاء جف ماها
تقول ليش أبكيتني وأنت تدري
إن البكاء للعين يجلب عماها
فقلت صبرك علني أعطيك عذري
وتعرفين اللي من الدهر جاها
فالله ياكم من جروحٍ بصدري
ضاقت بها الدنيا وضاقت سماها
ما يوم شفت السعد والله مادري
والنفس تطرد ما تحقق مناها
قلبي تعب والجسم والحال مبري
والعيشه ما عرف مرها من حلاها
أسهر طوال الليل حتين فجري
والروح تعبانه وزايد عناها
دنيا الشقا ما يوم تسعى لنصري
واحترت فيها يا عرب وشـبلاها
كم ليلة لاناموا الناس أسري
مع الهموم اللي تزايد جناها
أبني ولازان ألبناء أنهد جدري
الحظ واقف لي ويدي ثناها
أرمي بعيد ويجي الرمي قصري
و رميتي عيت توصل مداها
ومن اجلها ضيعت يومي وعصري
وأقفى العمر والشيب جاء من وراها
أسند بها مره ومرات حدري
تعبت أنا منها وهي ما طراها
أمشي و أجامل غير أنا مل صبري
ورسالتي ماحد عرف محتواها
وأكتب شعر وأقول قافي ونثري
من شان يعرف قصتي من قراها
وان بيعت ألأمداح فأنا لها اشري
يوم الردي يتعب وهو ما شراها
وان أعتزيت أوفي بعهدي ونذري
عاده لنا في عهد بونا حماها
وإن جاء الممات فوسعوا لحد قبري
وأحثوا على مثواي طيب ثراها
وادعوا عسى ربي بعد يكتب أجري
وافرح بفوزي بالصحف لا طواها
هذا مناي بوقت يسري وعسري
يالله بالجنة ولا أبغى سواها
وصلاة ربي عد ما الليل يسري
على النبي عد المطر من علاها
المصدر: منتديات خبراء التداول
رد: رسالتي ماحد عرف محتواها...
